Hetta skrivar Búskaparráðið –Tøkan av laksi er økt í 2025 og væntast eisini at økjast í 2026. Tøkan er nú um 100.000 tons.
Mynd 1 vísir útfluttu nøgdirnar av laksi, sum 12-mánaðar leypandi samanlegging, umframt útflutningsvirðið. Útflutningsvirðið frá juli 2024 til juni 2025 varð slakar 5,9 mia. kr, meðan tað var góðar 5,8 mia. kr. sama tíðarskeið árið fyri. Hóast útflutningsvirðið er nærum óbroytt í tíðarskeiðinum, er útflutta nøgdin nógv økt og var frá juli 2024 til juni 2025 sløk 100.000 tons. Tað er ein vøkstur á 22% samanborið við sama tíðarskeið árið fyri. Tað eru sostatt veksandi nøgdirnar, sum halda virðinum á laksaútflutningunum uppi, meðan lági prísurin togar niður.
Á myndini sæst, at eindarprísurin á útfluttum laksi er fallin so at siga gjøgnum alt 2025. Eindarprísurin er fallin góð 20% fyrstu 6 mánaðirnir í 2025, samanborið við sama tíðarskeið í 2024.
Stóri vøksturin í altjóða útboðum av superior laksi í ár (serliga útboðnum úr Noregi), hevur viðført, at laksaprísurin er fallin nógv higartil í 2025. Høvðusorsøkin er ein koppseting móti vetrarsári.
Les eisini:
2,3 mia. kr í avlopi á handilsjavnanum
Les heystfrágreiðingina hjá Búskaparráðnum her
