61
Í dag 15. september 2025 kemur stóra ferðamannaskipi M/S ARTANIA á Runavík
Tá M/S ARTANIA vitjar Runavík tekur Tor Shipping ímóti
Týska ferðavinnufyritøkan Phoenix Reisen vitjar javnan Føroyar við sínum ferðamannaskipum. Ein av havnunum, sum verður vitjað, er King’s Harbour í Runavík, har skipini leggja at í tryggum og vøkrum umhvørvi.
Tá skipið kemur, er tað Tor Shipping ið stendur fyri móttøkuni. Fyritøkan virkar sum lokalur operatørur, og hevur ábyrgd av samskipan við skipið, manningina og ferðafólkini. Tor Shipping tryggjar, at alt gongur væl – frá havnalag til túrar og upplivingar í nærumhvørvinum.
Hetta samstarvið millum Phoenix Reisen, Port of Runavík og Tor Shipping er eitt gott dømi um, hvussu altjóða ferðavinna og lokal virkissemi kunnu ganga hond í hond.
